Umuman olganda tuz bizning tanamiz uchun juda zarur. Mahsulotning zarari to‘g‘risidagi maqolani uni maqtashdan boshlash g‘alati bo‘lsa ham — lekin bu haqiqatan ham shunday.

Osh tuzining asosiy tarkibiy qismi natriy bo‘lib, u qon aylanishi va bosimini boshqarish, asablar va mushaklar orasidagi uzviy aloqani ta’minlash vazifasini bajaradi. Osh tuzining ikkinchi elementi bo‘lgan xlor esa ovqat hazm qilishga yordam beradi.

Nima uchun zararli?

Kamdan-kam odamlargina organizmdagi tuz balansini maxsus choralar qo‘llamasdan turib to‘g‘ri ushlab tura oladi.

Ko‘pchilik kishilar parhezga bepisandlik bilan munosabatda bo‘lganlari uchun kundalik me’yorni oshirib yuboradilar.

Tuz va qon bosimi

Natriy xlorid qon bosimining oshib ketish xavfi bilan bevosita bog‘langan. U shunday ham organizmda suyuqlik va qon oqimlarini boshqaruvchi rolini bajaradi.

Qon tarkibidagi natriy xlorid miqdorini oshirish bilan odam yurak, miya va tomirlarga bo‘lgan og‘irlikni oshiradi, bu esa qon bosimining oshib ketishiga sabab bo‘ladi.

Tuz va kalsiy

Sho‘r ovqatlarni ko‘p yeyish suyaklaringizni mo‘rt qilib qo‘yishi, tishlaringizning esa ahvolini yomonlashtirishi mumkin. Gap shundaki, tuz organizmdan asab tizimi faoliyatini boshqarish va mushaklarning to‘g‘ri tiklanishini ta’minlash vazifalarini bajaruvchi kalsiyning yuvilib ketishiga yordam beradi.

Hamma narsaga jahlingiz chiqaverishidan ajablanib o‘tirmang — faqat iste’mol qiladigan tuz miqdorini kamaytishga harakat qiling.

Tuz va buyraklar

To‘g‘ri faoliyat ko‘rsatishi uchun buyraklarda kaliy va natriyning suvga bo‘lgan nisbati aniq belgilangan nisbatda bo‘lishi kerak.

Tuzning katta miqdori bu nisbatni buzadi, natijada buyraklar organizmda ko‘proq suvni ushlab qola boshlaydi. Tana shishib ketadi, tomirlardan ko‘proq qon o‘ta boshlaydi, bu esa gipertoniya kasalligiga olib keladi.

Manba: Daryo.uz