“Vokrug sveta” nashri dunyoning turli burchaklarida chiroyli deb hisoblanadigan sakkiz qizning suratini e’lon qildi.

Kambodja

Kambodjaning eng go‘zal qizlari — apsarlar, ya’ni shu nomli qadimiy raqs ustalari. Kambodjada raqqosa bo‘lish hozir ham nufuzli kasbdir. Raqs san’atini qizlar maxsus maktablarda o‘rganadi.

Laos

Laos qishloq va shaharlarida yilda bir marta yetti go‘zal — Kabinlafoma ruhi “qizlari” tanlanadi. Ularni shahar bo‘ylab aravada aylantirishadi. Qizlarning soch turmagi Budda boshidagi qavariq ramzini bildiradi.

Efiopiya

Efiopiyaning bodilar qabilasi go‘zallari sochini tarashlab oladi, bunda boshda turli naqshlar yaratiladi. Biroq ularning asosiy bezagi — tanasidagi qavarib chiqqan chandiqlar. Ular terini tig‘ bilan kesib, hosil bo‘lgan yaraning ichiga kul va tuproq solish orqali yaratiladi.

Hindiston—Pokiston

Hind-ariy qabilalaridan kelib chiqqan drokpa xalqi ayollarining an’anaviy kiyimi — pashmina (yupqa charm) va echki terisi. Go‘zallarning g‘ururi esa avloddan avlodga o‘tadigan perak bosh kiyimidir.

Namibiya

Ximba xalqi ayollari soniga ip bog‘lab, butun badaniga qizil pasta surib yuradi. Bunday pastadan ular murakkab soch turmaklari yaratishda ham foydalanadi.

Rossiya

Deyarli har bir buryat qizda an’anaviy libos bor, uni bayram kunlari kiyishadi. Buryatlar nazdida soch odamning hayotiy energiyasi manbaidir. Uni yirik bezaklar taqqan holda himoya qilishadi.

Yaponiya

Okinava ayollari an’anaviy nutibana raqsi tufayli jozibadorligini uzoq vaqt saqlab qoladi. Nutibana raqqosalarini noodatiy liboslari orqali tanib olish mumkin. Ular xanagasa deb ataladigan katta shlyapa kiyadi, u gibiskus guli shaklida yasalgan.

Panama Respublikasi

Panamalik ayollar g‘ururi — polera an’anaviy libosi. Uning narxi bugungi kunda bir necha ming dollargacha yetishi mumkin. Go‘zallar sochini esa paynetas-de-balkon —toshbaqa kosasidan tilla plastina qoplab yasalgan gulchambar bezab turadi.