Supermarket rastalarida ko‘p miqdordagi turli mahsulotlarni uchratish mumkin. Biroq ularning qay biri salomatligingiz uchun xavfli ekanligini bilishingiz zarur. Mutaxassislar quyidagi oziq-ovqat mahsulotlarini ratsioningizdan butunlay chiqarib tashlashni tavsiya etadi:
Shirali makkajo‘xori tayoqchalari va bodroq
Agar makkajo‘xori tayoqchalarini xarid qilsangiz, u shirali bo‘lmasin, chunki ishlab chiqarishda shakardan foydalanilmaydi. Shakar 140 darajada kuyib ketadi, shuning uchun shakar o‘rnini bosuvchi moddalar, xususan siklomatdan foydalaniladi.
Marmelad
Bugungi kunda marmeladlar “kimyoviy sanoat mo‘jizalari” deya ta’riflanadi va sog‘liq uchun o‘ta zararli ekanligi ta’kidlanadi.
Gen-injeneriya mahsulotlari
Bular yer yong‘oq (zaharli petuniya geni kiritiladi, shuning uchun uni hatto hasharotlar ham yemaydi), konservalangan ko‘k no‘xat, konservalangan makkajo‘xori, chet eldan keltirilgan kartoshka, qisqichbaqa tayoqchalari, kakao.
Natriy glutamati
Tarkibida E-621 qo‘shimchasi (natriy glutamati) bo‘lgan mahsulotlarni iste’mol qilish tavsiya etilmaydi. U ta’m kuchaytirgich bo‘lib, bugungi kunda siz umuman kutmagan mahsulotlarga ham qo‘shilgan bo‘lishi mumkin. Shuning uchun mahsulot o‘ramini albatta o‘qib ko‘ring.
So‘riladigan konfetlar
Bunday shirinliklarda juda kuchli kimyoviy essensiya qo‘llaniladi. Biroz nam konfetni dasturxon ustida qoldirsangiz, unga zarar yetganini ko‘rishingiz mumkin. Oshqozonga qanday ta’sir qilishini tasavvur etavering.
Shakar o‘rnini bosuvchi moddalar
Bunday moddalarda kaloriya bo‘lmasligi yaxshi, ammo ular kuchli ochlik hissini keltirib chiqaradi. Gap shundaki, shirin ta’mni his qilgach, qizilo‘ngach uglevodlar porsiyasini kutadi, biroq bunday bo‘lmaydi. Shundan keyingi 24 soat ichida organizmga tushgan har qanday uglevod kuchli ochlikni keltirib chiqaradi.
Trans-yog‘lar
72,5 foizlik yog‘ni yeyish kerak emas, bu vodorod bilan parchalangan past navli o‘simlik yog‘idir. 82,5 foizdan past yog‘ bo‘lmaydi.
Tabiiyga o‘xshash aromatizatorlar, bo‘yoqlar qo‘shilgan bo‘tqa va yormalar
Bular nok, qulupnay, banan kabilar ta’mi va hidini beruvchi kimyoviy moddalardir. Bu yerda tabiiy narsa yo‘q.
Nimtatir tuzlangan qizil ikra
Qizil ikra uzoq vaqt saqlanmaydi. Faqat muzlatilgan yoki kuchli tuzlangan holdagina uzoqroq saqlanishi mumkin. Agar nimtatir qilib tuzlangan bo‘lsa, demak unga urotropin yoki limon kislotasi qo‘shilgan bo‘ladi.
