Qonda gemoglabin miqdorining pastlab ketishi organizmda jiddiy o‘zgarishlarga sabab bo‘lishi mumkin. Tez-tez shamollash (imunitet sustligi bilan birga) toliqish, bosh og‘riqlari, xotira sustlashishi, aqliy faoliyat bilan bog‘liq o‘zgarishlar shular jumlasidandir. Alohida ko‘rinishda kamqonlikning o‘zi ham bir qancha asoratlardan xoli emas. Bu kabi muammolarning oldini olish uchun esa gemoglabin miqdorini oshiruvchi ba’zi tavsiyalar bilan tanishtiramiz.
Qizil lavlagi + asal
Qon tarkibini yaxshilashda yarim stakan lavlagi sharbatiga 1 choy qoshiq asalni aralashtirib, bir kunda 3 mahul ovqatdan bir soat oldin ichish lozim.
Sabzi + o‘simlik yog‘i
Har kuni ertalab och qoringa 100 gr. qirg‘ichdan chiqarilgan sabzini 1 choy qoshiq o‘simlik yog‘i yoki qattiqqa aralashtirib iste’mol qilinadi. Muolajani 7 kun davomida bajarish mumkin. Kamqonlik bilan birga sabzi aralashmasi qabziyatga ham davo bo‘ladi.
Momaqaymoq + suv
1 choy qoshiq momaqaymoq(oduvanchik) gulini 1 stakan qaynoq suvga solib, 15 daqiqa davomida qaynating. So‘ng dokadan o‘tkazingda, bir kunda 3 mahal 2 osh qoshiqdan qabul qiling. Muolaja 3-4 hafta davom ettirilganida natijasi sezila boshlaydi.
Sabzi + lavlagi + turp
Teng miqdorda sabzi, lavlagi va turp sharbatlarini aralashtiring. Bir kunda 3 mahalovqatdan yarim soat oldin aralashmadan chiib, so‘ng tanavul qilsangiz, kamqonlikkadavo buladi.Muolaja 2-3 oy kunora bajarilishi mumkin.
Bug‘doy kepagi + suv
3 osh qoshiq yanchilgan bug‘doy kepagini 2 stakan qaynoq suvda damlab, 1 soatga qoldiring. So‘ng damlamani dokadan o‘tkazing. Aralashma 1 osh qoshiqdan kuniga 2 mahul ovqatdan 30 daqiqa avval ichiladi.
Anor + asal
Hafta davomida 2-3 marta yangi siqib chiqarilgan anor sharbatini ta’bga ko‘ra asal bilan aralashtirib, ichishing. Anor sharbati tish emaliga ziyon bo‘lmasligi uchun ozroq qaynagan suv qo‘shish lozim.
Mayiz
Uyquga yotishdan avval 5-6 mayizni piyolaga solingda, ustidan iliq suvni quying Piyola ustini yopiq holatda ertalabgacha qoldiriladi. Ertasiga esa suv yuzasiga chiqib qolgan mayizni yeb, suvini asta ichib oling. Bu usulni kunora takrorlashingiz mumkin.
Manba: Darakchi.uz
