Ushbu pirog unsiz pishiriladi, bunda un o‘rnini manniy yormasi bosadi. Pishiriq juda mayin va nam bo‘lib chiqadi.

Zarur mahsulotlar:

• 250 ml manniy yormasi
• 250 ml qatiq
• 180 g shakar
• 2 ta tuxum
• 100 g margarin
• 1,5 choy qoshiq razrixlitel
• 1 chimdim tuz

Tayyorlanishi:

Idishga manniy yormasini solib, qatiqni qo‘shamiz. Yaxshilab aralashtirib, 1—2 soatga ivitib qo‘yamiz.

Boshqa idishda margarinni vilka bilan ezib, shakar bilan aralashtiramiz.

Unga tuxum, tuz va razrixlitelni solib, yaxshilab aralashtiramiz.

Ushbu aralashmani ivigan manniy yormasi bilan aralashtiramiz.

Xamirni yaxshilab yog‘langan formaga solamiz va 180 darajagacha qizdirilgan duxovkada taxminan 35 daqiqa pishiramiz.

Pirogimiz tayyor. Yoqimli ishtaha!