Amerikalik tadqiqotchilar Wi-Fi va mobil telefonlardan foydalanish farzand kutayotgan ayollarda homilaning nobud bo‘lish xavfini taxminan 50 foizga oshiradi degan xulosaga kelishdi. Mutaxassislarning so‘zlariga ko‘ra, qurilmalarning homilador ayollar organizmiga salbiy ta’siri sababi magnit maydonining nurlanishidadir. Kun.uz shu haqida yozmoqda.

AQSh hududida o‘tkazilgan tadqiqot davomida homilasini yo‘qotgan ayollarning taxminan yarmi doimiy ravishda smartfondan foydalangani aniqlandi. Telefon tarmoqni izlash davomida tegishli jihozlar tomonidan qayd etilmaydigan past kuchlanishli radiatsion maydonni hosil qiladi. U butun organizm faoliyatiga ta’sir ko‘rsatadi.

"Homila tushishi AQShdagi homiladorlik holatlarining 15-20 foizida kuzatiladi. Bu jahon miqyosidagi muammo hisoblanadi, zero bunday ko‘rsatkichlar butun sayyorada qayd etilmoqda. Bo‘lg‘usi onani homilaning nobud bo‘lishi va boshqa tahdidlardan xavfsizlantirish uchun nafaqat u smartfon va boshqa portativ gadjetlardan foydalanishdan voz kechishi, balki yaqin atrofidagi kishilardan ham shuni so‘rashi kerak", - deyishmoqda tadqiqotchilar. Olimlarning fikricha, bunday ta’sirdan boshqa yo‘llar bilan qutulishning iloji yo‘q.