Geri Chempenning "Sevgining 5 ta tili" asari oilada bir-birini yaxshiroq tushunish, o‘z juftiga bo‘lgan muhabbatni qanday qilib to‘g‘ri ko‘rsatishga o‘rgatadi. Uning quyida keltirilgan ibratli fikrlari oilaviy hayotingizdagi eng yaxshi yo‘riqnomaga aylanishi mumkin.
- Har bir kishi o‘z muhabbatini qanday qilib ifodalay olishni biladigan uyda yashash qanday yaxshi!
- Sevgi haqida yozilgan deyarli barcha fikrlar shuni tasdiqlaydi — sevish - o‘zini bag‘ishlay olish demakdir.
- Bir-birimizni tushunishni istasak, bir-birimizning istaklarimiz haqida yaxshi bilishimiz lozim.
- Kechirish — muhabbatga tomon yo‘ldir.
- Eski xatolar bilan qilish mumkin bo‘lgan eng yaxshi ish - ularni tarixga aylanishiga imkon berish.
- Iltimos muhabbatni ifodalashga imkon beradi, buyruq esa uni o‘ldiradi.
- Turmush o‘rtog‘ingiz bilan har kuni suhbatlashishni odat qiling. Har biringiz hech bo‘lmaganda kun davomida sodir bo‘lgan uchta voqea haqida bir-biringizga hikoya qiling, o‘z hissiyotlaringizni bo‘lishing. Dastlab shundan boshlang. Bir necha oy, balki hafta o‘tib, bir-biringiz bilan suhbatlashishingiz ancha yengillashadi.
- Qiyin damlarda turmush o‘rtog‘ingiz yonida turish, unga hadya etishingiz mumkin bo‘lgan eng yaxshi sovg‘adir.
- Juftingizni biror narsaga erishish uchun maqtamang. Bu muhabbat emas. Turmush o‘rtog‘ingizni unga quvonch bag‘ishlash uchun maqtang.
- Bolalar o‘zining kutilgan va kerakli ekanligini his qilishi lozim. Agar shunday bo‘lsa, vaqt o‘tishi bilan ular mukammal insonlarga aylanadi.
- Biz dunyoni turmush o‘rtog‘imizning ko‘zi bilan ko‘rishimiz lozim. Uning uchun nima muhim ekanligini bilib olishimiz kerak. Faqat shundagina uni haqiqatan qo‘llab-quvvatlay olamiz.
- Yonimizda yaqin, sevimli insonimizning bo‘lishiga har birimiz muhtojmiz. Shuning uchun ham oila barpo etiladi.
- Bir narsani anglab yetishga harakat qiling, hozir siz uning dunyosiga kirishni istamayapsiz, keyinroq uning o‘zi dunyosiga kirishingizga ruxsat bermaydi.
- Biror ishni birgalikda bajarganingizda umumiy xotiralar paydo bo‘ladi. Bu esa tuganmas quvonch manbasidir.
- Nima bo‘lganda ham shunday qonuniyat mavjud: bizni maqtashganda, biz minnatdor bo‘lamiz va har qanday iltimosni bajarishga qodir bo‘lamiz.
