Kerakli masalliqlar:

Xamir uchun 1. Tuxum - 4 dona. 2. Un - 3 stakan. 3. Margarin - 200 gr. 4. Kakao - 3 osh qoshiq. 5. Shakar - 1 piyola 6. Qatiq - 250 gr. 7. Razrixlitel - 1 pachka 8. Choy sodasi + sirka - 1 choy qoshiq 9. Dolchin (koritsa) - 0,5 osh qoshiq.

Krem uchun 1. Kakao - 3 osh qoshiq. 2. Un - 3 osh qoshiq. 3. Shakar - 1 piyola. 4. Sut - 1 piyola. 5. Tuxum - 2 dona.

Glazur uchun 1. Kakao - 3 osh qoshiq. 2. Shakar - 3 osh qoshiq. 3. Sut - 0,5 piyola.

Tayyorlanishi:

Kakao, shakar, un, koritsa va razrixlitel aralashtiriladi. Tuxum, qatiq, shakar, choy sodasi bilan atalanadi. Ikkisi bir-biriga qo‘shilib, xamir qoriladi. Tayyor massani 2ga bo‘lib, yog‘langan listga qo‘l yordamida yoyib chiqiladi. So‘ng, oldindan qizdirilgan duxovkada o‘rtacha olovda 15-20 daqiqa pishiriladi. Tayyor korjlar orasiga krem surtib, yopishtiriladi.

Krem tayyorlash: Shakar, un va kakao oldin aralashtirilib olinadi. Tuxum chaqilib, yaxshilab atalanadi va sutga unli massa bilan qo‘shiladi. Gazga qo‘yib, qaynagunicha kavlab turiladi.

Korjlarga krem surtib yopishtirilganidan so‘ng, eng ustki qatlamiga glazur surtiladi.

Glazur tayyorlash: Shakar va kakao sut bilan aralashtiriladi. So‘ng gazga qo‘yib, quyilgunicha kavlab turib, pishiriladi.

Yoqimli ishtaha!

Manba: Beka.Uz