Olmali piroglarning turi ko‘p. Biroq ular orasida “Svetayevskiy” pirogi tarkibi va ko‘rinishi bilan alohida ajralib turadi. Ushbu pishiriqning kelib chiqish tarixi rus shoirasi Marina Svetayeva (1892—1941-yillar) bilan bog‘liq. Rivoyatlarga ko‘ra, shoira singlisi Anastasiya bilan adabiy kechalar uyushtirishni yaxshi ko‘rgan va o‘z mehmonlarini mana shunday pishiriq bilan siylagan.

Zarur masalliqlar:

xamiriga:

• 150 g margarin
• 0,5 stakan smetana
• 1—2 stakan un
• 1,5 choy qoshiq razrixlitel

ichiga quyishga:

• 1 stakan smetana
• 1 stakan shakar
• 1 ta tuxum
• 2 osh qoshiq un

qiymasiga:

3—4 ta olma

Tayyorlanishi:

Xamirini tayyorlash uchun 150 g margarinni eritib, biroz sovitamiz.

Unga 0,5 stakan smetanani qo‘shamiz.

1,5 choy qoshiq razrixlitel bilan aralashgan 1—2 stakan unni ham qo‘shib, yumshoqqina xamir qoramiz.

Xamirni formaning tubi va chetlari bo‘ylab qo‘lda tekislab chiqamiz.

Endi 3—4 ta olmani olib, yuvamiz va ingichka qilib bo‘laklaymiz. Ularni formaga solib, xamir ustiga tekis qilib yoyamiz.

Alohida idishga 1 stakandan smetana va shakarni, 1 ta tuxum va 2 osh qoshiq unni solib, silliq massa hosil bo‘lgunicha yaxshilab aralashtiramiz.

So‘ng formadagi olma ustidan quyamiz.

Pirogni 180 darajagacha qizdirilgan duxovkada 50 daqiqa davomida pishiramiz.

Olmali pirogimiz tayyor. Yoqimli ishtaha!