Kerakli masalliqlar:
1. Tovuq go‘shti qiymasi - 0,5 kg.
2. Buxanka non - 1/4 qismi (chorakta).
3. Tuxum - 1 dona.
4. Ziravorlar.
Tayyorlanishi:
Non ivitiladi, so‘ng, suvidan silqitilib, qiymaga qo‘shiladi. Ustiga tuxum chaqilib, yaxshilab aralashtiriladi. Tuz va ziravorlar solinib, yana aralashtiriladi. Tayyor bo‘lgan qiyma kichik bo‘lakchalarga bo‘linib, biroz tindiriladi. Tovada yog‘ni biroz qizdirib, unga bo‘lakchalar kerakli shakl berilgan (yapaloqlagan) holda solinadi va ikki tomoni qizargunicha pishiriladi. Bu kotletlarni garnirlar - pishgan guruch, makaron yoki kartoshka pyure bilan tanovil qilish mumkin. Ziravorlar o‘rniga tayyor Rollton kukunidan solinsa, yanada mazaliroq bo‘ladi.
Yoqimli ishtaha!
Manba: Beka.Uz
