Tvorogli pirog chizkeykning soddaroq va qo‘polroq tarzda tayyorlangan bir ko‘rinishidir. Xamir va tvorog proporsiyalari turlicha bo‘lishi mumkin, biroq tvorog ko‘proq bo‘lishi kerak, shunda pirog teksturasi muloyim va mayin bo‘ladi.

Zarur masalliqlar:

xamiri uchun:

• 150 g un
• 0,5 stakan shakar
• 100 g margarin
• 1 choy qoshiq razrixlitel

tvorogli qiymasi uchun:

• 450 g tvorog
• 0,75 stakan smetana
• 3 ta tuxum
• 0,5 stakan shakar

Tayyorlanishi:

Xona haroratida yumshagan 100 g margarinni 0,5 stakan shakar bilan vilka yordamida aralashtiramiz.

Razrixlitel bilan aralashtirilgan 150 g unni unga qo‘shib, qo‘lda aralashtiramiz, shunda unli ushoqchalar hosil bo‘ladi — bu xamirdir.

450 g tvorogni olib, vilka bilan ezamiz hamda unga 0,75 stakan smetana, 3 ta tuxum sarig‘i va 0,5 stakan shakarni qo‘shamiz. Barchasini mikser yordamida aralashtiramiz.

3 ta tuxum oqini alohida idishda mikserda ko‘pirtirib, tvorogli massaga solamiz va ehtiyotkorlik bilan aralashtiramiz.

Formaga xamirning 2/3 qismini sepib solamiz.

Ustidan tvorogli qiymani tekis qilib yoyamiz.

So‘ng xamirning qolganini sepib chiqamiz.

Pirogni 180 darajagacha qizdirilgan duxovkada 25—30 daqiqa davomida pishiramiz.

Tvorogli pirog tayyor. Yoqimli ishtaha!