«O‘zbekiston temir yo‘llari» kollej, litsey va oliy ta’lim muassasalari talabalariga qishki ta’til davomida taqdim etiladigan chegirmalar haqida e’lon qildi.

O‘zbekiston Respublikasining o‘rta-maxsus ta’lim va oliy o‘quv yurtlarida tahsil olayotgan yoshlarni rag‘batlantirish va ijtimoiy qo‘llab-quvvatlash maqsadida “O‘zbekiston temir yo‘llari” AJ tomonidan o‘quvchi va talabalar uchun temir yo‘l chiptalarini xarid qilishda chegirmalar belgilandi.

Joriy yilning 28 dekabr kunidan 2018 yilning 10 yanvar sanasigacha o‘quvchi va talabalar ichki yo‘nalishlarda harakatlanayotgan yo‘lovchi poyezdlari uchun yo‘l chiptalarini 50 foizlik chegirma asosida xarid qilishi mumkin.

Mazkur chegirma respublikamizning faqat mahalliy yo‘nalishlariga belgilangan. Shuningdek, xalqaro yo‘nalishda qatnovchi va “O‘zbekiston temir yo‘llari” AJga qarashli bo‘lmagan, hamda yuqori tezlikda harakatlanuvchi «Afrosiyob» poyezdlariga taaluqli emas.