Zarur masalliqlar:

xamiriga:

• 250 g uvalanadigan pechene
• 130 g margarin

tvorogli kremiga:

• 1 kg tvorog
• 4 ta tuxum
• 200 g shakar
• 200 ml qaymoq (shart emas)
• 1 ta limon
• ¼ choy qoshiq tuz

Tayyorlanishi:

Pirog uchun xamir tayyorlab olamiz. Buning uchun pecheneni blenderda maydalaymiz (boshqacha usulda ham maydalash mumkin).

Margarinni eritamiz va pechene ushog‘i bilan aralashtiramiz.

Aralashmani qoshiq yoki stakanning ostki qismi yordamida forma tubiga bosib tekislab chiqamiz.

Uni 180 darajagacha qizdirilgan duxovkada 10 daqiqa davomida pishiramiz, so‘ng uni duxovkadan olib, sovitamiz.

Endi tvorogli kremni tayyorlaymiz. Buning uchun avval tvorogni mikser yordamida aralashtirib, silliq holatga keltiramiz. Unga shakar, tuz solib, aralashtirishda davom etamiz.

So‘ng bitta limon po‘stlog‘ini qirg‘ichdan o‘tkazib solamiz, limonning yarmini siqib, suvini qo‘shamiz va tvorogli aralashmani yana mikser yordamida ko‘pirtiramiz.

Endi tuxumlarni bittadan solib, qo‘lda aralashtiramiz.

Qaymoqni ham qo‘shib yuboramiz.

Hosil bo‘lgan tvorogli kremni tubida pecheneli xamir bo‘lgan formaga solamiz va yuzasini tekislab chiqamiz.

Formaning og‘zini qog‘oz bilan yopib, 160—170 darajagacha qizdirilgan duxovkada taxminan 1 soat davomida pishiramiz.

Chizkeyk tayyor. Yoqimli ishtaha!