Лондондаги Юз косметологияси маркази шифокори Жулиан да Сильва Қадимги Юнонистоннинг олтин нисбат тамойилларига асосланганда, дунёдаги энг чиройли юз қандай кўринишда бўлиши кераклигини аниқлашга қарор қилди.

Шифокор машҳур аёллардан қайси бирининг юзи энг мукаммал эканлигини ҳисоблаб чиқди. Ҳеч кимнинг юзи 100 фоиз даражада чиройли ва симметрик бўлиб чиқмади. Бироқ актриса Эмбер Хёрд мукаммалликка 91,85 фоиз даражада яқин келди. Бунда бутун юз ҳисобга олинди.

Иккинчи ўринни Ким Кардашьян (91,39 фоиз), учинчи ўринни эса Кейт Мосс (91,06 фоиз) эгаллади. Энг чиройли машҳур аёллар ўнлигига, шунингдек, Эмили Ратаковски, Кендалл Женнер, Хелен Миррен, Скарлетт Йоханссон, Селена Гомес, Мэрилин Монро ва Женнифер Лоуренс киритилди.

[caption id="attachment_12203" align="aligncenter" width="595"] Эмили Ратаковски[/caption]

[caption id="attachment_12202" align="aligncenter" width="614"] Кейт Мосс[/caption]

[caption id="attachment_12201" align="aligncenter" width="634"] Ким Кардашьян[/caption]

Шунингдек, Жулиан да Сильва ҳар бир машҳур аёлнинг юзидаги энг яхши қисмларни олиб, олтин нисбат стандартларига максимал даражада йқинлаштирилган қиз портретини “ясади”.

Бунда қуйидаги “юлдуз”лар донор сифатида олинди:

Юз овали (ияк): Рианна, 91% (мукаммаллик коэффициенти)

Пешона: Кейт Мосс, 98,8%

Қош: Ким Кардашян, 94,85%

Кўз: Скарлетт Йоханссон, 97,75%

Бурун: Эмбер Хёрд, 99,6%

Буларнинг барчаси битта юзга “жамланганида”, қуйидагича портрет ясалди:

Олтин нисбат математик жиҳатдан иррационал сон бўлиб, тахминан 1,618 га тенг. Фоизга айлантирилганида олтин нисбат қандайдир катталикни 62 фоизнинг 38 га нисбатига бўлиш демакдир.

Ушбу нисбатга риоя қиладиган пропорцияларни инсон юзида ҳам кузатиш мумкин. Ушбу мутаносибликларда ўзаро нисбат қанчалик катта бўлса, ташқи кўриниш атрофдагилар учун шунчалик ёқимли бўлади.