Айни вақтда ўлкамизда баҳор. Дарахтлар аста-секинлик билан куртак чиқариб, барг ёзишга, гуллашга тайёргарлик кўрмоқда. 

Эътиборингизга дарахт ва ўсимлик куртакларининг доривор хусусиятлари ҳақида маълумот берамиз.

Қадимдан дарахт куртаклари турли касалликларни даволаш учун қўлланилган. Уларнинг ҳар бири муайян дардга даво саналган. Настарин куртаклари 

Настарин куртаклари қанд касаллиги, ошқозон ишининг яхшиланишида самарали натижа беради.

Ушбу куртаклар таркибида тери ошловчи , биофлавоноид моддалар жуда кўп. Бир неча дона настарин куртагини чайнаш ошқозон фаолиятини яхшилайди.

Қайин дарахти куртаклари 

Ҳалқ табобатида қайин куртаклари фитотерапевтик восита сифатида тан олинган. Куртаклар ошқозон, бўғим ва саратон касалликларини даволовчи дамламалар таркибига доимий равишда қўшилади.

Олча куртаклари 

Қалқонсимон без касалликларини даволашда яхши самара беради. Бир ҳафтада бир марта бир неча олча куртакларини чайнаш орқали касалликни осон енгиш мумкин.

Игнабаргли дарахтлар 

Уларнинг куртаклари ўпка-бронх йўлари касалликларини даволашда қўлланилади. Яшил ва етилмаган конуссимон арча меваларидан болаларга мураббо тайёрлаб бериш ҳам йўтал ва сурункали йўтални кетказишда ёрдам беради. Олма дарахти 

Одатда, баҳорнинг маълум ойларида олма дарахти куртаклари кесиб ташланади. Агар фарзандингизда бош оғриғи, ваҳима, дудуқланиш кабилар кузатилаётган бўлса, кесиб ташланган шохчалардан ажойиб доривор восита тайёрлаш мумкин.

Бунинг учун, кесилган шохларнинг кичиклари куртаклари билан бирга сирли идишга солиниб, сариёғ билан бироз қайнатилади. Совигач, у малҳам дорига айланади. (Малҳам дорини тайёрлаш учун 100 грамм куртакли шоҳлар устига 200 грамм сарёғ солинади).

Юқорида санаб ўтилган касалликлар кузатилганда, малҳам дори бошнинг чакка қисмига кам-камдан суртилади.

Шунингдек гинекологик касалликларда ҳам ушбу “маз”дан фойдаланиш мумкин.

Терак 

Унинг куртаклари эркакларда кузатиладиган қатор касалликларни даволашда ишлатилади. Куртакли кичик шохлардан 100 грамм олиниб, устидан спирт қўйилади. Сўнг янги ой яиққан кундан бошлаб, 14 кун қороғу жойда сақланади.

Белгиланган муддат ўтгач, ҳар куни 10-15 томчидан ичиш тавсия этилади.

Наъматак, дўлана, қора мевали четан (рябина) дарахтлари 

Уларниг куртаклари қон томир фаолиятини яхшилаш ҳамда кўз нури хиралигини даволашда муҳим аҳамиятга эга. Бунинг учун ўсимликнинг бир неча дона куртагини ҳар куни ейиш мақсадга мувофиқ.

Қорағат дарахти 

Бошқа дарахтлар билан бирга, баҳорда қорағат дарахтининг шохлари ҳам кесилади. Унинг куртаклари аллергияга қарши яхши дори воситаси бўлиб, уни истеъмол қилиш организмнинг умумий ҳолатини яхшилайди.

Манба: Darakchi.uz