Қонда гемоглабин миқдорининг пастлаб кетиши организмда жиддий ўзгаришларга сабаб бўлиши мумкин. Тез-тез шамоллаш (имунитет сустлиги билан бирга) толиқиш, бош оғриқлари, хотира сустлашиши, ақлий фаолият билан боғлиқ ўзгаришлар шулар жумласидандир. Алоҳида кўринишда камқонликнинг ўзи ҳам бир қанча асоратлардан холи эмас. Бу каби муаммоларнинг олдини олиш учун эса гемоглабин миқдорини оширувчи баъзи тавсиялар билан таништирамиз.

Қизил лавлаги + асал

Қон таркибини яхшилашда ярим стакан лавлаги шарбатига 1 чой қошиқ асални аралаштириб, бир кунда 3 маҳул овқатдан бир соат олдин ичиш лозим.

Сабзи + ўсимлик ёғи

Ҳар куни эрталаб оч қоринга 100 гр. қирғичдан чиқарилган сабзини 1 чой қошиқ ўсимлик ёғи ёки қаттиққа аралаштириб истеъмол қилинади. Муолажани 7 кун давомида бажариш мумкин. Камқонлик билан бирга сабзи аралашмаси қабзиятга ҳам даво бўлади.

Момақаймоқ + сув

1 чой қошиқ момақаймоқ(одуванчик) гулини 1 стакан қайноқ сувга солиб, 15 дақиқа давомида қайнатинг. Сўнг докадан ўтказингда, бир кунда 3 маҳал 2 ош қошиқдан қабул қилинг. Муолажа 3-4 ҳафта давом эттирилганида натижаси сезила бошлайди.

Сабзи + лавлаги + турп

Тенг миқдорда сабзи, лавлаги ва турп шарбатларини аралаштиринг. Бир кунда 3 маҳаловқатдан ярим соат олдин аралашмадан чииб, сўнг танавул қилсангиз, камқонликкадаво булади.Муолажа 2-3 ой кунора бажарилиши мумкин.

Буғдой кепаги + сув

3 ош қошиқ янчилган буғдой кепагини 2 стакан қайноқ сувда дамлаб, 1 соатга қолдиринг. Сўнг дамламани докадан ўтказинг. Аралашма 1 ош қошиқдан кунига 2 маҳул овқатдан 30 дақиқа аввал ичилади.

Анор + асал

Ҳафта давомида 2-3 марта янги сиқиб чиқарилган анор шарбатини таъбга кўра асал билан аралаштириб, ичишинг. Анор шарбати тиш эмалига зиён бўлмаслиги учун озроқ қайнаган сув қўшиш лозим.

Майиз

Уйқуга ётишдан аввал 5-6 майизни пиёлага солингда, устидан илиқ сувни қуйинг Пиёла устини ёпиқ ҳолатда эрталабгача қолдирилади. Эртасига эса сув юзасига чиқиб қолган майизни еб, сувини аста ичиб олинг. Бу усулни кунора такрорлашингиз мумкин.

Манба: Darakchi.uz