Чипсларни ёқтирмайдиган кишининг ўзи бўлмаса керак. Чипсларни энг кам миқдордаги ёғ билан микротўлқинли печда ҳам тайёрлаш мумкин.

Зарур масаллиқлар:

• Картошка
• Таъбга кўра туз, гармдори ва аччиқ қалампир
• Ўсимлик ёғи

Маҳсулотларнинг тахминий нархи 2000 сўм.

Тайёрланиши:

Бир коса тайёр чипслар учун ўртача 5—6 та картошка кетади.

1. Картошкаларни тозалаб, юпқа қилиб (1—2 мм қалинликда) тўғраймиз. Кесишда сабзавот арчиш учун қўлланиладиган асбобдан ҳам фойдаланиш мумкин.

2. Сўнг, ортиқча крахмалдан халос қилиш учун тўғралган картошкаларни совуқ сувда чаямиз.

3. Таъбга қараб туз ва қалампир қўшамиз. Картошка устига ёғ сочиб чиқамиз ва қоғоз тўшалган микротўлқинли печ ликопига териб чиқамиз.

Уни печга қўйиб, энг юқори қувватда 3 дақиқа давомида пиширамиз. Агарда чипсларингиз қалинроқ бўлса, вақтни яна бир дақиқага узайтириш мумкин.

Тайёр чипсларни совитамиз ва шундан кейин идишга оламиз.

Уй чипслари тайёр. Ёқимли иштаҳа!

Манба: Daryo.uz