Ҳар бир киши муваффақиятли бўлишни орзу қилади, лекин ҳамманинг ҳам орзуси амалга ошавермайди. Чунки бунга хоҳишнинг ўзи камлик қилади. Оддий одамлар машаққатли меҳнат натижасидагина буюк бўла олади.
Биз муваффақият қозонган одамларнинг яшаш тарзини ўрганиб чиқдик ва мансаб поғоналаридан пастга эмас, балки юқорига интилмоқчи бўлган кишиларни қизиқтирадиган бир нечта фактларни аниқладик.
-
Тўғри муҳит
Ўзингиз ҳавас қиладиган одамлар билан муомалада бўлинг. Ўзингиздан кўра ақллироқлардан ўрганинг. Тенглашишга арзийдиганлар қаторида бўлинг.
-
Реклама муваффақиятнинг омилидир
Агар сиз ўзингизни ёки ўз маҳсулотингизни илгари сура олмасангиз, унда муваффақиятни кутманг. Илгари суриш тиришишни ва дадилликни талаб қилади, бу эса ғалабанинг энг асосий шартидир.
-
Оқилона аскетизм
Бой бўлишни хоҳласангиз – тежашни ўрганинг. Аскет бўлиш керак эмас, лекин ҳозирдан пулни қадрлашни ўрганинг. Агар сиз бойлардек яшасам бой бўламан деб ўйласангиз катта хато қиласиз.
-
Ўқиш, ўқиш ва яна ўқиш
Муваффақиятга эришган кишилар бўш вақтини илм олишга сарф қилган. Ва буни улар бой ва машҳур бўлганида ҳам давом эттиради. Билим – бу куч.
-
Мақсадлар ва вазифалар режаси
Сиз муваффақият – бу омад деб ўйлайсизми? Деярли ҳар доим муваффақият – бу яхши режа ва уни амалга ошириш тарзи. Режасиз ҳеч нарса қилиб бўлмайди. Сиз мақсадингизни аниқ белгилаб олишингиз ва унга томон шахдам қадамлар ташлашга киришишингиз керак.
-
Максимал даражада диққатни тўплаш
Бирон-бир ишни бир неча кунда ҳам, бир-икки соатда ҳам бажариш мумкин. Муваффақиятли одамлар бутун диққат-эътиборини аниқ бир ишни бажаришга йўналтиради ва унга керагидан ортиқча вақт сарфламайди.
Манба: Daryo.uz
