Олмали пирогларнинг тури кўп. Бироқ улар орасида “Светаевский” пироги таркиби ва кўриниши билан алоҳида ажралиб туради. Ушбу пишириқнинг келиб чиқиш тарихи рус шоираси Марина Светаева (1892—1941-йиллар) билан боғлиқ. Ривоятларга кўра, шоира синглиси Анастасия билан адабий кечалар уюштиришни яхши кўрган ва ўз меҳмонларини мана шундай пишириқ билан сийлаган.

Зарур масаллиқлар:

хамирига:

• 150 г маргарин
• 0,5 стакан сметана
• 1—2 стакан ун
• 1,5 чой қошиқ разрихлител

ичига қуйишга:

• 1 стакан сметана
• 1 стакан шакар
• 1 та тухум
• 2 ош қошиқ ун

қиймасига:

3—4 та олма

Тайёрланиши:

Хамирини тайёрлаш учун 150 г маргаринни эритиб, бироз совитамиз.

Унга 0,5 стакан сметанани қўшамиз.

1,5 чой қошиқ разрихлител билан аралашган 1—2 стакан унни ҳам қўшиб, юмшоққина хамир қорамиз.

Хамирни форманинг туби ва четлари бўйлаб қўлда текислаб чиқамиз.

Энди 3—4 та олмани олиб, ювамиз ва ингичка қилиб бўлаклаймиз. Уларни формага солиб, хамир устига текис қилиб ёямиз.

Алоҳида идишга 1 стакандан сметана ва шакарни, 1 та тухум ва 2 ош қошиқ унни солиб, силлиқ масса ҳосил бўлгунича яхшилаб аралаштирамиз.

Сўнг формадаги олма устидан қуямиз.

Пирогни 180 даражагача қиздирилган духовкада 50 дақиқа давомида пиширамиз.

Олмали пирогимиз тайёр. Ёқимли иштаҳа!