Агар уйқусиз ўтказилган кечадан кейин кўринишингиз унчалик яхши бўлмаса, бу ҳийлалар сизга бир лаҳзада одам қиёфасини қайтаришга ёрдам беради.

1. Контраст душ — ҳаммага маълум бўлган ва ҳар доимгидек самарали восита. Иссиқ сувни совуқ сув билан галма-гал алмаштириб туринг: шундай қилсангиз, сиз ўзингизга тетикликни, терингизга эса соғлом рангни қайтарасиз.
2. Агар душ қабул қилишнинг имконияти бўлмаса, қўлларингизни навбати билан иссиқ ва совуқ сувда ювиб кўринг. Бу ҳам бардамликни таъминлайди.
3. Бардам кўриниш ва қизарган кўзлар бир-бирига унчалик мос тушмайди. Кўзингиз учун махсус томчилар сотиб олинг, улар қизаришни камайтиради.
4. Уй шароитида кўз атрофидаги қорамтир доғларни кетказиш учун чой пакетчаларидан фойдаланинг. Уларни қайноқ сувли идишга солинг, бироз совитинг, кейин эса 10 дақиқа кўзларингиз устига қўйиб туринг.
5. Кўз остидаги шишлар билан курашиш учун қошиқлардан ҳам фойдаланиш мумкин. Уларни 10 дақиқа музлаткич ичига қўйинг, кейин муаммоли жойларга қўйинг.
6. Скрабдан фойдаланинг. У терини ўлик ҳужайралардан тозалайди ва юзингизга соғлом кўриниш беради.
7. Юзингизга крем суринг. Энг яхши вариант — намловчи восита, лекин уйқусиз ўтказилган кечадан кейин ҳар қандай крем ҳам бўлаверади.
8. Юзингизни муз бўлаги билан артинг. Совуқ муз терига қон келишини таъминлайди ва юзингиз анча бардамроқ кўрина бошлайди.
9. Тишларни қатламлардан тозаланг. Уй шароитида буни активлаштирилган кўмир таблеткаси ёрдамида бажариш мумкин. Уни чўтка устига қўйинг ва тишларингизни одатдагидек тозаланг.
10. Гўзалликнинг орқасидан қувиш давомида нафасингизнинг тозалиги ҳақида унутиб қўйманг. Оқсилга бой бўлган озиқ-овқатлар билан нонушта қилинг, табиий хушбўй ҳид берувчилар — петрушка ёки қаҳва донларини чайнанг.

Манба: Daryo.uz